192 TESTAMENTS ENREGISTRÉS AU PARLEMENT DE PARIS (432)
c'est-à-dire l'année même de l'assassinat du duc d'Orléans, Jean Creté vendit à Isabeau de Bavière huit livres de rente sur deux maisons situées à la porte Bar­bette, maisons que la reine avait annexées à son hôtel de la Courtille Barbette; cette vente, faite de concert avec les gouverneurs de l'hôpital du Saint-Esprit-en-Grève devenu propriétaire de la rente en question, fut consentie moyennant une somme de deux cents livres Tournois (Arch. Nat., J i5i, n° io3).
A tous ceulx qui ces presentes lettres verront ou orront, Guillaume, seigneur de Tignonville, chevalier, conseillier, et chambellan du roy nostre sire et garde de la prevosté de Paris, salut. Savoir faisons que par devant Jehan Hurtaut et Jehan Piece, clers notaires du roy nostre dit seigneur de par-lui establiz en son Chastellet de Paris, fu present ve­nerable et discrete personne, maistre Jehan Creté, clerc conseillier du roy nostre sire en sa Chambre des comptes, sain de pensée et d'en­tendement, considerant que nulle chose n'est plus certaine de la mort ne moins certaine de l'eure d'icelle, et pour ce, en voulant ordonner des biens dont le glorieux Dieu Ta fait dispenseur et que il lui a pres­tez, au salut de son ame de tout son povoir, fait et ordonne en la pre­sence d'iceulx notaires son testament ou ordenance de derreniere vou-lenté, ou nom du Pere, du Filz et du benoist saint Esperit, amen, en la forme et par la maniere qui s'ensuit :
Premierement, il recommanda l'ame de lui, quant elle de son corps départira, à la benoiste Trinité, à la glorieuse Vierge Marie mere de Nostre Seigneur Jhesu Crist, es mains de monseigneur saint Michiel l'archange et de toute la benoiste court celestiel, et esleut sa sepulture comme vray catholique ou cymettiere des Sains Innocens à Paris, en la fosse aux povres.
Item, il voult et ordonna que toutes ses debtes fussent et soient paiées et ses torsfaiz amendez, dont il apperra à ses executeurs ci dessoubz nommez.
Item, il laissa au curé de Saint Jehan en Greve, ou au fermier pour lui, un francq aux clers d'icelle eglise demi franc et à l'euvre d'icelle vi frans.
Item, il laissa aux quatre religions Mendians à Paris pour convertir